Vendosen tenda për të prekurit nga tërmeti në Ohër

22:42 | 3 Korrik 2017
Arbresh.info

Qendra Informative në Ohër u ka ofruar qytetarëve të cilët janë të prekur nga një seri tërmetesh të forta që të qëndrojnë në tenda, në qoftë se shtëpitë e tyre kanë dëme të mëdha dhe frikësohen që të kalojnë natën në banesat e tyre, përderisa atyre nuk u përcaktohet dëmi si dhe stabiliteti i ndërtesave, përcjell Telegrafi Maqedoni.

‘Qendra në Ohër hap dyert e saj për të gjithë ata që kanë nevojë për bujtinë nate për shkak të tërmetit të sotëm. Akomodimi është në tenda të siguruara dhe për gjum. Për më shumë informacione kontaktoni 071 296 512’.
Qytetarët e Ohrit sot nuk kanë qenë të qetë nga dridhjet e tokës, gjegjësit mbi 10 tërmete gjatë kësaj dite. Tërmeti më i fuqishëm sot në Ohër është regjistruar me shkallë prej 5 Rihter.